Сарвати бебаҳои табиат

Дарёҳои сершумори Тоҷикистон дар фаслҳои гуногуни сол аз оби барфу борон ҷамъ шуда, ба водиҳо, шаҳру деҳаҳо ҷорӣ мешавад. Дарёҳои Панҷу Вахш, Аму, Сир ва Зарафшон на балки Тоҷикистон, инчунин давлатҳои ҳамсояро бо об таъмин мекунад.
Оби тоза гарави тандурустӣ ва саломатии одамон мебошад. Обҳои софи дарёҳои кӯҳӣ, обҳои зеризаминӣ аз ҳама тозатар ва аз намаку маъданҳои кӯҳӣ бойаст. Обҳои зеризаминӣ ҳам як меъёри муайян доранд. Тоза нигоҳ доштани обҳои нӯшокӣ ва оқилона истифода бурдани он вазифаи ҳар як фарди ҷомеа мебошад. Об барои зебогии инсоният ва табиат маҳсулоти зарурӣ бошад ҳам, бисёр одамон ба қадри он намерасанд. Аз ин рӯ ба ифлосшавии об, ба исрофшавии он роҳ надода, ин сарвати бебаҳои табиатро сарфакорона истифода бурдан лозим аст.