Об ва масъалаҳои доир ба он аз масъалаҳои муҳими глобалӣ ба ҳисоб мераванд ва аҳолии кураи заминро имрӯз камбудии об ва дигар омилҳои вобаста ба он ба ташвиш овардааст. Ташаббуси истифодаи самараноку оқилонаи об дар дунё аз Сарвари давлати мо ибтидо мегирад. Дар мавриди истифодаи об – унсури ҳаётан муҳими зиндагӣ ва сарфаи он низ тадбирҳои зарурӣ меандешад. Мо бояд истифодаю сарфаи обу барқро дар оилаамон зери назорати қатъӣ қарор диҳем.Имрӯз мо бояд аз он ифтихор дошта бошем, ки кишвари мо дар радифи Ҷумҳурии Қирғизистон дар Осиёи Миёна дорои манбаъҳои фаровони оби соф ҳастанд. Пиряхҳои кишвар сарвати бебаҳо ва фаровони дарёҳои Ватанӣ моанд. Бесабаб нест, ки Президенти Ҷумҳурии Тоҷикистон Эмомалӣ Раҳмон дар конференсияи 29 декабри соли 2009 дар шаҳри Копенгаген доиршуда пешниҳод намуд, то дар мавриди ҳифзи пиряхҳо дар назди Созмони Миллали Муттаҳид як ниҳоди босалоҳият таъсис дода шавад. Чунки манбаъ ба воситаи захираҳои обҳои дарё, маҳз пиряхҳо мебошанд. Хушбахтона, мо пиряху кӯлҳои бешуморе дорем, ки онҳо фаровонии дарёҳои кишвари моро таъмин карда метавонанд. Вале ин фаровонии об маънии исрофи ин неъмати худододро надорад.
Ҳамон тавре ки Президенти кишварамон мӯҳтарам Эмомалӣ Раҳмон таъкид менамояд «Мо бояд захираҳои оби худро маҳфуз дорем ва идоракунии пурсамари онҳоро омӯзем, то ки оянда сатҳи таъминот ва дастрасии инсоният ба оби тоза ва ташкили зиндагӣ аз рӯйи меъёрҳои санитарӣ баланд бардошта шавад».
Комментарии (0)